Algjör draumur í Svíþjóð

Svíarnir eru bara svo með þetta!

Vildi óska þess að svona falleg húsnæði fyndust her á landi. Þá er ég að tala um þennan einkennandi stíl sem við sjáum svo oft í Svíþjóð. Gamlir listar, guðdómlegur antik arin, gamlar gólffjalir og öll þessu litlu detail í íbúðunum sem gera þær svo sjarmerandi.

En kíkjum í heimsókn inn í þessa fallegu og sjarmerandi eign sem ég rakst á.

 

Hér er búið að hvítta gólfið sem mér finnst passa svo vel hérna inn. Það verður svo létt yfir öllu rýminu.

Hér væri dásamlegt að slaka á. Elska hvað allt er stílhreint og hver hlutur fær að njóta sín.

Þegar við færum okkur yfir í forstofuna þá taka dekkri veggir á móti manni og sérkennilegir borðstofustólar.

Þvílík fegurð! skrautið og hurðakarmarnir poppa algjörlega þegar veggurinn er málaður í aðeins dekkri lit.

Nýtt og gamalt fær að njóta sín í þessari íbúð.

Þessi arinn er svo sérstakur. og sjáið þið hversu töff vínstandurinn er?

 

Eldhúsið er mjög stílhreint og þessir gluggar gera svo mikið, ekki amalegt að sjá fallega ólífutréð út um gluggann.

Algjör draumur.

Herbergin eru mjög rúmgóð og draumi líkust.

Barnaherbergið

Gaman að sjá smá lit á ganginum, en samt tónar allt og passar svo vel saman.

 

Það er svo yndislegt að skoða svona fallegar myndir af drauma heimilum. Finnst þér ekki?  maður má alveg láta sig dreyma.

Á þessum skrýtnu tímum sem við erum að ganga í gegnum þá mæli ég eindregið með því að skoða innblástur fyrir heimilið á pinterest og instagram. Það eru margir sem eru að huga að heimilinu og njóta þess að gera fínt í kringum sig. Reynum að láta fréttirnar eiga sig eða allavega minnka til muna að lesa þær og hlusta. Hækkum í tónlistinn, tökum upp tuskuna og ryksuguna og dönsum við heimilisþrifin!

Slökum á og njótum þess að vera í faðmi fjölskyldunnar, brosum og hugsum til sumarsins þegar við getum baðað okkur í sólinni og andað léttar.

Rafrænt knús til ykkar kæru vinir.

 

 

 

 

 

Instagram innblástur helgarinnar

Einsog mörg ykkar þá elska ég að fá innblástur af instagram, og get eytt dágóðum tíma þar inni.
Það sem ég elska mest er að uppgötva nýja instagram síðu sem veitir mér ferskan og skemmtilegan innblástur bæði fyrir heimilið mitt, verslunina og vörur sem ég vil hafa fáanlegar í versluninni.

Um daginn datt ég inná  https://www.instagram.com/frisze_blik/  en hennar stíll einkennist af minimaliskum boho stíl myndi ég segja. Allt voða hvítt og ljóst sem er í raun andstæðan við það sem gengur og gerist núna. En hún notar einnig mikið af náttúrulegum efnum einsog hörpúða, grófa potta, við og járn. Þó að ég myndi ekki sjálf vilja hafa heimilið mitt svona og instagram síðan virðist einsleit þá mæli ég með að þið rennið hægar yfir síðuna og takið eftir öllum litlu smáatriðunum hjá henni. Því hún er með margar góðar hugmyndir.

Ég er að elska borðið. En þetta eru búkkar frá ikea (fást bara d.gráir hér en alveg hægt að spreyja) svo er gömul fulningahurð sett ofaná. Rustic og töff.

Persónulega myndi ég hafa fleiri grænar plöntur og smá lit með. En ég er alveg að elska hvítt núorðið og held að hvíti liturinn snúi von bráðar aftur. Æj hann er bara svo tímalaus og ferskur ertu ekki sammála?

Lítum á fleiri myndir og fáum hugmyndir…

Hér sést glitta í smá grænar plöntur en þær lífga alltaf mikið uppá heimilið.

Sjáið þið hvernig hún blandar mismunandi efnum saman? mjög náttúrulegir litir sem maður fær aldrei leið á.

Hér er gömul hurð nýtt sem borð, bara sett gróf stór hjól undir, en það er nóg úrval af þeim í Bauhaus.

Ég elska þessa stóru grófu potta. En við fáumsvipaðar týpur í verslunina í febrúar 2020.

Það þarf ekki alltaf að hengja myndir upp. Flott að mála gamla ramma og setja myndirnar í, gefur rýminu meiri karakter.

Þarna sést glitta í gamlar silfurkönnur en á móti notar hún svart tímalaust stell. Svo fallegt.

Stofan hennar er dásemd, skemmtilegt hvernig viðurinn fyrir arininn er geymdur, minnir á hálgert listaverk.

Þarna væri huggulegt að sitja og hafa matarboð, sitja frameftir og spjalla.

Flott hugmynd hjá henni að setja mynd inní luktina, væri fallegt að hafa lítið kertaglas með sprittkerti í sem lýsir upp myndina.

Notalegt og hlutlaust svefnherbergið.

Vonandi veittu þessar myndir ykkur einhvern innblástur. Einnig má heimsækja instagram síðuna hennar fyrir fleiri myndir. Linkurinn er efst.

Njótið helgarinnar!

Góð ráð frá Leanne Ford

 

Shot by Alexandra Ribar

Ég elska að uppgötva nýja hönnuði sem veita mér innblástur, nýja instagram síðu til að followa sem fyllir mig af innblæstri og gleði, dásamleg vörumerki sem hafa þetta „extra“ sem veitir heimilinu hlýleika og sjarma.

Ég uppgötvaði fyrir skömmu innanhúsarkitektinn Leanne Ford og bróðir hennar Steve  Ford, en þau vinna í teymi og eru með skemmtilega þætti sem hægt er að nálgast á youtube sem bera heitið Restored with the Fords.

En lesum okkur aðeins til um hana Leanne

Leanne Ford er Innanhús arkitekt frá Pittsburgh. Hún hlaut verðskuldaða athygli þegar hún gerði upp gamlan skóla og breytti í fallega íbúð í heimabæ sínum.
Þetta var fyrsta verkefnið hennar og þar sást greinilega hennar stíll en hún notar mikið „white on white“ í hönnun sinni. Hún hefur fengið mikla umfjöllun í þekktum tímaritum fyrir sinn einkennandi stíl sem kom henni svo sannarlega á kortið.
Leanne er fædd árið 1981 og starfaði lengi í tískuiðnaðinum en ef þið kíkið á þættina þá sjáið þið hversu smekkleg og töff hún er oft í klæðaburði.

Afslappaður og persónulegur stíll hennar höfðar mikið til mín, en ég uppgötvaði hana fyrst þegar ég var að horfa á þætti á netinu sem kallast Rock the block þar sem nokkrar konur sem allar eru innanhús arkitektar keppast við að gera upp gömul hús.

Ég tók saman nokkur ráð frá henni Leanne sem ég vil deila með ykkur um hvernig hægt er að breyta heimilinu með mjög lítilli fyrirhöfn, lítum á þau:

Þetta vita flestir en ódýr og fljótleg lausn er að mála heimilið, það gjörbreytir stemmingunni og heildarlookinu í rýminu, gaman að eyða einni helgi í að mála og sjá svo útkomuna en hún mun svo sannarlega veita heimilinu ferskt útlit og mun veita þér meiri gleði.

Leanne vill meina að við eigum að mála hvítt, já eitthvað annað en hefur verið í tísku undanfarið en Leanne er þekkt fyrir að velja mjög mikið hvítt á heimilin sem hún gerir upp, en auðvitað fer það allt eftir óskum kúnnana hennar líka. og þeirra persónulega stil sem hún nær að draga fram með hverju verkefninu sem hún tekur sér fyrir hendur,

Hún segir að þú getir ekki klikkað með hvítri málningu, hvítt er tímalaust og það lætur allt líta út fyrir að vera betra og ferskara.

Annað einfalt ráð er að skipta út ljósunum, ljósin skipta miklu máli í rými og herbergið breytist svo mikið.

Leanne vill líka meina að bæta við náttúrulegum efnum inn á heimilið geri fólkið sem býr þar meira afslappað.
Þegar hún talar um náttúruleg efni þá er hún að meina viðarborð eða viðaráferð í húsgögnum og grænar plöntur.
náttúruleg efni eru að verða sífellt vinsælli í innanhúshönnun sem fær fólk til að verða afslappaðra í hönnun.

Hún segir okkur einnig að bæta inná heimilið vintage hlutum eða húsgögnum. Við erum ekkert að tala um að ofhlaða. Þó að það sé ekki nema einn fallegur gamall stóll sem þú erfðir eða fannst á nytjamarkaði.
Oft er svo skemmtilegt þegar hlutirnir á heimilinu hafa einhverja sögu að segja.
Vintage hlutirnir gefa heimilinu meiri karakter og sál. Þessir einföldu hlutir eru einfaldir í framkvæmd ekki vanmeta þá.

Fallegt heimili sem Systkynin gerðu upp. Fallegt statement ljós og smá rustic fílingur.

 

Önnur góð ráð sem Leanne gefur er að setja nýja mottu í rýmið hún getur gjörbreytt rýminu og gert það hlýlegra.

Leanne segir stíl sinn vera „easy minimalism or warm minimalism“ og ráðleggur hún fólki að hafa hlutina einfalda.

Á hverju ári koma hönnuðir með ný trend sem allir verða að fylgja, hún ráðleggur fólki að hætta að fylgja trendum vegna þess að þau koma og fara svo hratt.

Hannaðu fyrir sjálfa þig engan annan. margir breyta heima hjá sér eftir trendum hverju sinni eða hvað móðir, vinkona, tengdó eða aðrir mæla með að þú eigir að gera. Vissulega er gott að fá ráð frá öðrum ef maður hefur enga hugmynd um hvað eigi að gera en oftast er best að fylgja innsæinu.
Við verðum líka að hugsa að hönnun er listform það sem þér þykir flott mun vinkonu þinni ekki endilega þykja flott og það er bara allt í lagi.

Leanne segir „að ef þú elskar það ekki ekki setja það inn í húsið þitt. Enginn lifir í húsinu nema þú“

Lokaráðin hennar er að taka áhættur, byrja smátt taka eitt herbergi fyrir í einu safna pening og fara í næsta herbergi. Og það er allt í lagi að þróa hugmyndirnar áfram meðan á framkvæmdum stendur, ekki líða illa yfir því. Hún segir sjálf að hún breyti oft um skoðun þegar hún gerir upp heimili fólks.

Leanne og bróðir hennar að vinna saman í þáttunum Restored with the Fords.

Ég er persónulega mjög hrifin af stílnum hennar og elska að sjá hvað hún geirr í þáttunum en þá má nálgast hér: https://www.youtube.com/results?search_query=restored+with+the+fords

Þátturinn þar sem hún gerir upp heimili bróður síns finnst mér mjög skemmtilegur og flott útkoma. Gaman að sjá hversu mismunandi stíla Leanne getur gert. En ég mæli eindregið með að kíkja á þættina og fyllast innblæstri fyrir næsta verkefni heimilisins. https://www.youtube.com/watch?v=Mgnhyre7Kv0

mynd frá heimili Steve Ford bróður leönnu.

Ég vil ekki setja of margar myndir hér inn af verkefnunum hennar en mæli frekar með að horfa á þættina og sjá hvernig heimilin eru fyrir og eftir. Alveg stórkostlegar og skemmtilegar breytingar hjá þeim.

Þangað til næst!