Það hafa margir gaman af skemmtilegum ikea hack sérstaklega ef þau eru mjög auðveld í framkvæmd.
Núna eru margir heima hjá sér og eru að huga meira að heimilinu.
Þeir sem eru í einhverskonar framkvæmda pælingum þá er ég með mjög sniðugt ikea hack sem öll fjölskyldan gæti tekið þátt í. Þú færð manninn þinn í að redda plötunni fyrir þig hvort sem hún er í bílskúrnum eða það þarf að skreppa í timbursölu Bauhaus þar sem þú getur haldið hæfilegri fjarlægð frá starfsmanninum og lætur hann saga hana fyrir þig í þá stærð sem þú þarft.
Margir eiga afgangs prufu málningardollur eftir allt málningaræðið sem er búið að leggjast yfir landann undanfarna mánuði. prufudollurnar hrúgast upp og enginn veit hvað á að gera við þær. Mæli með að kíkja í geymsluna og taka fram fallegan lit og krakkarnir geta rúllað yfir plötuna.
Ef þú vilt mossdal myndahilluna í sama lit og platan sem er að mínu mati lang fallegast þá er hægt að pússa létt yfir hillurnar og mála svo.
Að lokum er svo bara að skrúfa hillurnar á plötuna á þann stað sem þér þykir fallegast. hægt er að festa hana á vegginn líka eða láta hana halla svona uppvið hann (sjá mynd)
Konan á heimilinu getur svo raðað fallegum skrautmunum í hilluna.
kosturinn við að festa hillurnar á plötu er að þá er hún færanleg, sem er mjög mikill kostur fyrir þá sem fá oft breytingaræði á heimilinu.
![](https://i0.wp.com/islenskheimili.is/wp-content/uploads/2020/03/aafe82d7cf646a87cd6a7b87e82bcd70-1.jpg?resize=564%2C752&ssl=1)
Hér eru tvær settar saman.
![](https://i0.wp.com/islenskheimili.is/wp-content/uploads/2020/03/7177a174d5dbe11dc69b93f126524a5c.jpg?resize=564%2C564&ssl=1)
Hér er hillan sem ég gerði fyrir nokkrum mánuðum.
Þeir sem nenna ekki að sækjast eftir plötunni í Bauhaus og láta saga hana fyrir sig í rétta stærð og vita nákvæmlega hvar þeir vilja hafa hillrunar.
Þá er einnig mjög smart að taka bara einn vegg, oft er einn svona veggur á heimilinu sem enginn veit hvað á að gera við, mála hann í fallegum lit og pússa yfir mossdal vegghilur og mála í sama lit og veggurinn. Svo er hægt að raða fallegum tímaritum, bókum og punti. Það er líka ákaflega fallegt að hafa smá kertaljós í hillunum.
![](https://i0.wp.com/islenskheimili.is/wp-content/uploads/2020/03/07b1f4f4abc2a275be7d320fa89fa677.jpg?resize=564%2C846&ssl=1)
Grár veggur og gráar hillur undir bækur.
![](https://i0.wp.com/islenskheimili.is/wp-content/uploads/2020/03/a96eeea3e736421c88fc03700c2773d2.jpg?resize=564%2C883&ssl=1)
Einfalt og tímalaust
![](https://i0.wp.com/islenskheimili.is/wp-content/uploads/2020/03/0cef5b66f89240da16a071ed9439b254.jpg?resize=564%2C564&ssl=1)
svartur veggur með svörtum hillum er líka töff.
![](https://i0.wp.com/islenskheimili.is/wp-content/uploads/2020/03/6649ae7001177c54d6880ab0d0f6bdf8.jpg?resize=564%2C846&ssl=1)
Vonandi höfðuð þið gaman af þessu ikea hacki helgarinnar.