Ítalskt kjúklingapasta með sólþurrkuðum tómötum og basil

Kjúklingapasta fyrir 4

 Ég eldaði ítalskan kjúklingapasta rétt á snappinu mínu islenskheimili um daginn. Þessi réttur er mjög einfaldur, ekki of mörg innihaldsefni, og hver sem er getur gert þennan rétt.

Hann er alveg tilvalinn í matarboðið þar sem þið viljið bjóða upp á góðan rétt sem er borinn fram á örskömmum tíma.

 

Það sem þarf er :

 2 kjúklingabringur

lítil krukka sólþurrkaðir tómatar

(ég notaði frá jamie oliver)

2 pokar ferskur mozarella

1 lítill rjómi

Tagliatelle pasta

(3-4 bolla, 5-6 rúllur)

smá olía

 

krydd:

1 teskeið papriku krydd

1 teskeið rauðar chilli flögur

(keyti mínar í sostrene grene)

smá salt

2 matskeiðar ferskur basil

3 hvítlauksrif

 

 

Aðferð:

 Byrjið á að sjóða Tagliatelle pasta í potti, ég skvetti oft smá ólífu olíu útí pottinn með vatninu til að pastað festist ekki saman. Setjið hvítlauksrifin í hvítlaukspressu svo hann verði mjög smár, ef þið eigið hana ekki þá er fínt að saxa hann vel niður.

Því næst tók ég sólþurrkuðu tómatana úr krukkunni (gott er að passa að olían úr krukkunni fari ekki með á pönnuna.)

Setjið smá ólífu olíu á pönnuna og setjið hvítlaukinn og tómatana á, steikið þar til þið finnið góðan ilm af hvítlauknum.

Takið svo tómatana af pönnunni og skellið kjúklingnum sem búið er að skera í miðlungsstóra bita á pönnuna, kryddið hann með smá papriku kryddi.

Meðan kjúklingurinn eldast í gegn er gott að skera sólþurrkuðu tómatana í minni bita, skera ferskan basil smátt niður og einnig mozarella ostinn.

Þegar kjúklingurinn er eldaður í gegn setjið þá tómatana, basil og mozarella ostinn útá og hrærið aðeins í, því næst hellið þið smá rjóma útá og hrærið í réttinum. Núna æti mozarella osturinn að bráðna og þykkja sósuna.

Núna ætti líka pastað að vera tilbúið. Síið það frá vatninu og skellið því útá pönnuna. Þegar að sósan fer að sjóða vel, og ef hún þykknar of mikið þá er gott að setja smá af vatni útá.

Kryddið með rauðum chilli flögum, smá salti og meiri basil ef þið viljið.

Ég skar svo baguette brauð í sneiðar og lét vera með, svo má auðvitað alltaf útbúa gott hvítlauksmjör og hafa á brauðinu og skella í ofninn.(átti bara ekki allt í það)

Hvítlaukssmjör:

Þegar ég geri gott hvítlaukssmjör þá set ég 50/50 rjómaost og smjörva og hræri vel saman í litla skál.

Saxa ferska steinselju og sirka 3 hvítlauksrif með í skálina og hræri vel.

Smá salt útá til að lyfta bragðinu upp og örlítið oregano.

Svo er þessu smurt á brauðið og rifinn ostur fer yfir og síðan inní ofn, og bakað þar til osturinn verður gylltur að lit.

 

Verði ykkur að góðu.

 

/0 Comments/by

Mexíkó kjúklingasúpa

Æðislega góð mexíkó kjúklingasúpa fyrir 3-5

 

Mexíkó kjúklingasúpa hefur lengi verið uppáhalds súpan mín, það er auðvelt að útbúa hana og svo er hún svo hrikalega bragðmikil og góð. Hvað er betra en að útbúa hana á svona köldum vetrardegi og kúra undir teppi.

Mig langar til að gefa ykkur uppskriftina og vonandi njótið þið hennar eins mikið og ég.

 

 

Það sem þarf er:

2x Hunt´s diced tómatar í niðursuðudós með garlic,oregano og basil (er í dósum fæst í bónus)

1-2 tsk tómatpúra frá hunt´s með garlic,oregano og basil

1 lítinn rauðan lauk

lítinn pela rjóma

handfylli af fersku kóríander

2 hvítlauksrif

1 rauð paprika

2 kjúklingabringur

6 miðlungsstórar kartöflur

2x miðlungsstórar gulrætur

1x gulur doritos poki

sýrður rjómi

rifinn ostur

1 tening klar boulion kraft

fiesta de mexico krydd frá pottagöldrum

smoked paprika krydd

örlítið cayenne pipar(fer eftir hversu sterk þið viljið að súpan sé)

oregano

salt/pipar

 

 

Aðferð:

Byrjið á að taka 2 dósir af hunt´s diced tómötunum, hellið í skál og maukið með töfrasprota.

Skerið kjúklinginn í bita og steikið á pönnu, hellið tómatmaukinu í miðlungsstóran pott og bætið kjúklingnum ofaní.

Skerið 1 lauk, paprikuna og saxið kóríander og hvítlauk og bætið útí pottinn.

Hrærið örlítið og bætið sirka 2 dl af vatni við.

Skrælið 6 miðlungsstórar kartöflur og skerið í litla teninga.

Skrælið 2 miðlungsstórar gulrætur og skerið í bita.

Bætið þessu svo útí pottinn og látið það sjóða saman með súpunni. Þegar það er búið að sjóða í smá tíma, bætið þá 1-2 msk af tómatpúru við. Næst skulum við snúa okkur að kryddinu, takið sirka ½ tsk af salti og örlítinn pipar. Sirka 1 msk af fiesta de mexico, 1 msk af oregano, og hálfa msk af smoked paprika. Síðan getið þið smakkað á súpunni og bætt við cayenne pipar ef þið viljið hafa hana heitari.

Bætið klar boulion kraft útí, og litlum pela af rjóma. Hrærið svo vel í súpunni og leyfið öllu kryddinu að blandast vel og súpunni að sjóða vel. Ég leyfi henni oft að malla í sirka 30 min áður en ég ber hana fram og bæti við kryddi ef ég vil bragðbæta meira eða bæti smá vatni ef mér finnst hún of sterk.

Gott er að leggja á borð á meðan súpan sýður. Setja Doritos í skál, sýrðan rjóma á borð og rífa ost niður eða kaupa tilbúinn rifinn ost í poka og bera á borð.

 

 

Þessi súpa er einstaklega bragðgóð og það má alveg leika sér svolítið með hana, setja t.d jalapeno bita fyrir þá sem þora, stundum hef ég líka notað ferskan rauðan chilli eða sett mexikó ost í hana. Sett fleiri tegundir af papriku t.d græna og gula. Bara það sem maður á til í ískápnum.

Svo þegar súpan er tilbúin þá er bara að bera hana á borð og njóta með bestu lyst.

Verði ykkur að góðu.

/2 Comments/by

íslensk heimili kynnir Patricija Dacic

Myndirnar hennar Patriciju Dacic eru mættar!

Ljósmyndirnar hennar Patriciju Dacic eru engu líkar. Hún byrjaði ung að taka myndir og hefur alltaf myndavélina við höndina þegar hún ferðast og passar sig að missa ekki af neinum skemmtilegum smáatriðum sem verða á vegi hennar.

Patricja býr í Helsingborg ásamt hundinum sínum, í lítilli huggulegri íbúð. Hún hefur verið að mynda fyrir fatamerki í Svíþjóð, en einn daginn var vinkona hennar að skoða myndirnar sem hún hefur tekið og benti henni á að hún ætti að reyna að selja þær og koma sér á framfæri. Í dag hafa myndirnar hennar vakið mikla eftirtekt, og er mestmegnið af þeim seldar víða um Svíþjóð en þó líka í öðrum löndum.

Þeir sem hafa áhuga á að skoða bloggið hennar Patriciju, sem er að sjálfsögðu skreytt fallegum myndum, geta kíkt inn á http://fotografiboxen.blogspot.is/

Myndirnar koma í takmörkuðu upplagi og eru prentaðar á þykkan hágæða pappír. Stærðin er 50×70, og enginn rammi fylgir með myndunum. Ikea er með mikið úrval af þessari stærð af römmum þannig okkur fannst best að leyfa ykkur að ráða hvernig ramminn ætti að vera. Svo er mjög smart að hengja myndirnar upp með  þykkum svörtum klemmum sem fást t.d í fakó o.fl verslunum hér heima.

Hægt er að skoða myndirnar hennar Patriciju hér  https://islenskheimili.is/patricija%20dacic/

 

/0 Comments/by